നെടുമങ്ങാട്: തിരുവനന്തപുരത്ത് ടൂറിസ്റ്റ് ബസ് മറിഞ്ഞുണ്ടായ അപകടത്തിൽ ഒരു മരണം.കാവല്ലൂർ സ്വദേശിനിദാസിനി(61)യാണ് മരിച്ചത്. നിരവധി പേർക്ക് പരിക്കേറ്റിട്ടുണ്ട്. ഇവരെ തിരുവനന്തപുരം മെഡിക്കൽ കോളേജ് ആശുപത്രിയിലും നെടുമങ്ങാട് ജില്ലാ ആശുപത്രിയിലുമായി പ്രവേശിപ്പിച്ചു.
ഇന്നലെ രാത്രി 10.20 ഓടെ നെടുമങ്ങാട് ഇരിഞ്ചിയത്താണ് ദാരുണമായ സംഭവം നടന്നത്.
കാട്ടാക്കട പെരുങ്കടവിളയിൽ നിന്ന് മൂന്നാറിലേക്ക് വിനോദയാത്രപോയവരാണ് അപകടത്തിൽപ്പെട്ടത്. ബസിൽ 49 പേർ ഉണ്ടായിരുന്നതായാണ് വിവരം. ഇവരിൽ അധികവും കുട്ടികളായിരുന്നുവെന്നാണ് സൂചന.
റോഡിൽ മറിഞ്ഞ നിലയിലുള്ള ബസ് ഉയർത്താനുള്ള ശ്രമം തുടരുകയാണ്. അതിനിടെ അപകടത്തിൽ പരിക്കേറ്റവർക്ക് വിദഗ്‌ധ ചികിത്സ ഉറപ്പാക്കാനുള്ള ക്രമീകരണം നടത്താൻ ആരോഗ്യ വകുപ്പ് മന്ത്രി വീണാ ജോർജ് മെഡിക്കൽ കോളേജ് സൂപ്രണ്ടിന് നിർദേശം നൽകി.
Tourist bus overturned in Thiruvananthapuram.
